第220回てんてん金曜ライブ終わる

12月9日　日曜日　　くもり

12月7日（金）に平良嘉男せんしーぬ　ライブうわいびたん

53年前ぬ　石川宮森小学校んかい　墜落さるとぅちぬ

いちぬくたるむぬぬ一人とぅしち　ちゃーしん　いいぬくさんねーならんりち

映像んうとぅちぬ　話やいびーたしが　なままでぃ墜落さんりーせー

ちちわかとーびたしが　あんすかぬむごい　事故でーうむやいびらんたん

話ちちるんせー　なだがとぅまらん　でーじなショックうきてぃ

ちむが　えぐりとぅらりーぬぐとぅ　なやびたん　

うぬ話や　うちなーんちゅ　やまとぅんちゅんかい　ちかち　基地ぬ全面撤去運動

うくさんねーならんでぃうむやびん　じふぃ　くりからん　平良しんしーが

各地での　弾き語り口演むっち　宮森小学校ぬ　墜落事故が風化しみてー

なやびらんでぃ　うむやびん










ライブうわてぃからぬ　ユンタク会ん　むりあがてぃ　ちゅいなーちゅいなーぬ

話んあいびたしが　事故ぬまがさに　驚きかくさらんあたい　ショックうきたんでぃぬ

はなしびけーやいびーたん　また　あちまとーる方や　むどぅ　じーむちなてぃ

うぬめぬんじん　むりあがとーびーたん　うぬ様子　写真っし　紹介さびら