フラワー＆カフェ　ライブ空間てんてん

ぐ衆様　ちゅー拝まびら

ちゅーん　チバティいめんせがやーさい。

わんねー　今日や早起きそーびん　

じちぇー今日　１８６回目のライブがあいびーしどぅ　

うぬ資料準備すんでぃちどぅやいびんでー。

なままでぃぬライブや　うたぬ意味ふとぅち　うぬあとぅ　うたうたいる形し　そーびーしが　

今回ぬテーマが「工工四を説く」でぃち　節吟立てふとぅけーやでぃち　うむとーびん。

工工四ぬ中んかい　色々な声楽譜ぬ説明があいびーしが

うぬ意味や　抽象的なてぃ　理解すんでぃーしが　くんなんやいびーん　

やぐとぅ　今回や　２０種類ある声楽譜ぬ中から

｢次第下げ」｢ネーヰ」｢ユルシ｣でぃぬ節吟立てをぅ　とぅいたてぃてぃ

実技とぅーさーま　ぅんぐとぅぐゎーしどぅ　うたいんどーでぃち　びんちょーくゎいしから

うたぬ数々うたでーやでぃ　うむとーびーん　

ちゅーみあるうかたが　いめんせーれー　　めんそーち　うたびみそーり。



花のことならフローリスト花枝
http://www.fs-hanae.com/

山内秀吉ＨＰ
http://www.fs-hanae.com/hideyosi.htm

ライブ空間「てんてん」ＨＰ
http://www.fs-hanae.com/tenten.htm

ライブ空間「てんてん」ブログ
http://tententen.ti-da.net/

ライブ空間「てんてん」（２）ブログ
http://tenrasa.ti-da.net