フラワー＆カフェ　ライブ空間てんてん

５／９（水）　くもり





湛水流伝統保存会ぬ会員　ちゃーされー　増やさりーがやーりち　いるいる手うっちかんげーてぃちゃしが

ぬーがあたらーむさっとぅわからんしが　じちぇー　くじゅぬ４月ぐる　上里平三氏とぅ松田邦明氏ぬはか

れーにゆってぃ　ぬぬわきんいらん　山内はずしに　かかてぃちゃぐとぅ　あんせーならのーあらにりち

定期総会じ　意見ぬんぬびてぃちゃしが　むぬわかりにないびたん　うぬあとぅに一言やてぃん　わったー

かんげーやまちがとーたんでぃぬ　言葉んあれー　まじょーんし　いちゅがやーりち　うむとーたしが

雨降って地固まるでぃぬ　くとぅばしかいらんたんどーでぃぬ　はなしがわん耳んかいちゃーぐとぅ

くれーまじょーんする気やねーんむんなーりち　うむたぐとぅ　尊敬する山内盛彬しんしーぬ理論うきつぐ

たみねー　有志あちみてぃするしかねーらんりち　山内盛彬湛水流伝承の会ぬ発足公演むっちゃーびたん。

ぃやーや　どぅーかんげーし公演むっちぇーぐと　許さらん　やぐとぅ　わったー伝統保存会んかいや必要

ねーらんぐとぅ　ぃやー首ちーんりち　簡易書留がちゃーびたん　

なまからや　山内盛彬理論ぬむとぅ　山内盛彬しんしーが遺ちゃる湛水流広みてぃ　いけーやでぃうむとー

やびん　うぬうむい達するたみねー　一人やてぃん会員ぬ増えるくとぅ　にがやびん。