フラワー＆カフェ　ライブ空間てんてん

５／１５（火）　くもり

はいさい　ちゅーうがまびら

ちゅーや　うちなーが　やまとぅんかいけーてぃ　40年

記念する日なとーびんやーさい

基地じょうせーや　せいじぬわっさぬ　わるくにいいぽうどぅやいびーしが

たげーに基地ゼロにないるぐとぅ　ちばりわどぅないびーさにやーさい


最近のー　んちゃとぅ　あしぶ時間が多くなとーびんでー　んちゃとぅ　あしびーねー

時間たっちゅしわしりてぃ　無我ぬ境地にないるくとぅ　いいやんべーやいびん

今朝ぬ屋上ぬよーす紹介さびら



うれーハウスんかい植ーるこまつなやいびーん　ぬーから芽がんじはじまとーびん
あと一週間ぐれーし　移植ないがやーでぃうむとーびん




くれー　むこーがわから２列やオクラ　次ぬ２列やきゅうり　のくいや粟國ぬ
まぶるしぬまーみやいびーん


　

上の￥ぬ棚や青はんだまぬ差し木　下ぬ棚や上左から株分きせーるんじゃな
なとーびん




くれーさくなやいびーしが　花がゆかてぃういびーぐとぅ　うらからさに（種）が
とぅららんがやーでぃち　ちむわくわくそーるとぅくるやいびーん


うったーうったーぬむぬが　ハウスんかい移植ないるとち　まちゅーるちゅーやいびーん