フラワー＆カフェ　ライブ空間てんてん

５／３１(木）　雨

うきみそーち　ちゅーや　雨ないぎさ－やいびーんやー

ふてぃんふらんてぃん　たげーに　ちばいびらやー　

ちゅーぬゆてーや　昼からボーリング　

夜や定例ぬ山内盛彬湛水流伝承の会ぬ勉強会

うぬ後や　金曜日ぬライブぬ準備にかからんねーないびらん

６／１（金）からタイムスぬ新人賞がはじまてぃ

うりぬ選考会ぬ審査うにげーさっとーびぐとぅ。だーあんせー　今日んちばいびら。

　謝敷板干瀬に(jashichiitabishini)
　　　打きゃい引く波の(uchaifikunaminu)
　.謝敷女童の(jashichimiyarabinu)
　　　目笑い歯茎（miwarehaguchi)

謝敷ぬ板干瀬んかい　うちゃいふぃちゃいするとぅちぬ白波や
謝敷女童ぬ　ちょーどぅみーわれーぐゎーそーるとぅちぬ　
口むとぅんかい似ち　でーじちゅらさんやー

　
明日金曜日第193回てんてん金曜ライブやいびーん
今回や謝敷節ぬ工工四ぬフシにちーてぃ
吟ぬいりーかた等ふとぅちいけーやーでぃうむとーびん
うんじゅがめんせーし　うまちさびーん