フラワー＆カフェ　ライブ空間てんてん

６／２９（金）　はれ

うきみそーち　だー金曜日んなとーびんやー　

一週間ないしんへーさぬ　いっとぅちゃぐゎーしライブぬ日がち　

やすまるふぃまんねーやびらんさ。

めーにちあしぶぬくとぅる　かんげーとびぐとぅ・・・。

ちゅーぬライブぬ演目なとーびん

演　目
１　長本部節　ちるれん節　坂本節
２　辺野喜節を説く
... ３　首里節（野村流＆湛水流）
４　八重山古典民謡から「小濱節」
５　干瀬節　子持節　散山節
６　七尺節

二番目ぬ「辺野喜節を説く」でぃーせー　工工四画面にぅんぢゃち

声楽譜ぬんじー方　くまぐまとぅ説明ふとぅちいけーやーりちかんげーとーびぐとぅ　

暇ちゅくてぃめんそーり。ライブぬうわてぃからや　さきさかなん　やーぬみー準備そーびーぐとぅ　

車やむっちめんそーらんぐとぅうにげーさびん。




うぬ写真や　ちんぬーぬボーリングアフターリーグぬ成績票やいびん　

段々段々こつぐゎーんつｲかでぃ　じょうじなとーびんでー

くぬうちプロボーラーにならんがやー　しわそーびーさ　

あちゃーあさてーマイボールこーいがいかんねーならんしが。